Маңғыстаулық 60-қа жуық оқушы "IQanat" финалына бара жатыр

Биыл Маңғыстау облысынан 58 оқушы IQanat олимпиадасының финалына қатысу үшін Алматы қаласына жолға шықты, - деп хабарлайды mangystaumedia.kz сайты.

Финалға 1 000-нан астам оқушы Қазақстанның барлық өңірінен келеді. Олар - іріктеудің бастапқы кезеңдеріне қатысқан 60 мыңнан астам бала арасынан топ жарып, алғашқы екі кезеңнің қорытындысы бойынша үздік нәтиже көрсеткендер. Үздіктер арасында 58 маңғыстаулық оқушы бар. Атап айтқанда Мұнайлыдан 21 оқушы, Түпқараған ауданынан - 15, Қарақия ауданынан - 3, Маңғыстау ауданынан - 7 және 12 оқушы Бейнеуден бара жатыр.

Облыстық білім басқармасының мәлімдеуінше, ақтық сында барлық шығын толық өтелетін Бурабайдағы IQanat мектеп-пансионатында кімнің оқитыны, сондай-ақ ҰБТ-ға, халықаралық емтихандарға қарқынды дайындау жүргізіліп, ағылшын тілі оқытылатын Олимпиададан кейінгі үшжылдық тегін сүйемелдеуге қабылданатыны анықталады. Ақтық сын бір аптаға созылады.

• Алматыда балалар қорытынды тестілеуге қатысып қана қоймай, нағыз зияткерлік және жігерлендіруші дәрістерден өтеді. Мектеп оқушыларын шабыттандыру үшін табысты кәсіпкерлер мен инфлюенсерлер кездеседі. Балалар үшін бір апта бойы сарапшылар медиасауат, АІ және дизайн ой, шешендік шеберлік/public speech, қаржылық және құқықтық сауат, кәсіптік бағдарлау және мансап таңдау, көшбасшылық қасиеттер мен командада жұмыс істеу дағдыларын дамыту тақырыптарында тренингтер өткізіледі, - дейді Маңғыстау облысындағы «IQanat» республикалық олимпиадасының ұйымдастырушысы Айтбибі Болатбайқызы.

Еске салайық, IQanat – қазақстандық кәсіпкерлердің Қазақстанныңбарлық өңірінде ауыл оқушыларын қолдауға бағытталғанәлеуметтік-білім беру жобасы. Осы жобаның нәтижесінде оқушылардың 90%-ы Қазақстанның және шетелдің үздік университеттеріне грантқа түседі. Қазір жоба түлектері әлемнің 15 елінде оқиды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.